ნივთის დაბრუნება

„გრანდ ელექტრონიქსში“ ნივთის შეძენისას, შეგიძლიათ 14 კალენდრული დღის
განმავლობაში, ისარგებლოთ ნივთის დაბრუნების შესაძლებლობით.

საქართველოს კანონმდებლობისა და ამ პოლიტიკით დადგენილი გამონაკლისების გარდა,
მომხმარებელს უფლება აქვს, ყოველგვარი საფუძვლის მითითების გარეშე თქვას უარი
დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14
კალენდარული დღის განმავლობაში. ეს ვადა აითვლება:

ა) მომსახურების ხელშეკრულების შემთხვევაში − ხელშეკრულების დადებიდან;

ბ) ნასყიდობის ხელშეკრულების შემთხვევაში − მომხმარებლის ან მის მიერ
განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან

მომხმარებლის მიერ საქონლის ნაწილ-ნაწილ შეკვეთის შემთხვევაში −
მომხმარებლის ან მის მიერ განსაზღვრული მესამე პირის მიერ (გარდა გადამზიდავისა)
ბოლო ნივთის მფლობელობაში მიღებიდან;

მომხმარებლის მიერ ხელშეკრულებაზე უარის თქმის შემთხვევაში, მომხმარებელი ვალდებულია საკუთარი ხარჯით (ნივთის ტრანსპორტირება, დემონტაჟი და სხვა)
დაუბრუნოს ნივთი "შპს გრანდ ელექტრონიქსს", თუ ნივთის ღირებულება აღემატება 30 ლარს.

მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს
დაკავშირებული ხელშეკრულებიდან მის გასვლას და
პირვანდელი მდგომარეობის აღდგენას.

მომხმარებელი ვალდებულია შპს „გრანდ ელექტრონიქსს“ ზემოთ აღნიშნულ ვადაში გაუგზავნოს
ნივთის დაბრუნების შესახებ ელექტრონული ფოსტა (info@grandel.ge) ან სხვა ცალსახა მტკიცებულება, რომელიც ასახავს მომხმარებლის
გადაწყვეტილებას საქონლის დაბრუნების შესახებ. ხელშეკრულებაზე უარის
თქმის უფლების დადგენილ ვადაში განხორციელების მტკიცების ტვირთი მომხმარებელს ეკისრება.