ჯანსაღი და გემრიელი სასუსნავები - როგორ გავახაროთ პატარები

08/24/2020
მომხმარებელი

მშობლებისთვის ძალიან მნიშვნელოვანია, რომ ჩვენმა პატარა მსუნაგებმა ჯანსაღად და გემრიელად იკვებონ, მიიღონ საჭირო მინერალები და ვიტამინები. ამის გამო ხშირად ვუზღუდავთ რაციონში ისეთ სასუსნავებს, როგორებიცაა ჩიფსები, ნამცხვრები და ტკბილეული, რადგან ცხადია, რომ ჩამოთვლილი პროდუქტები არც ისე სასარგებლოა პატარებისთვის.

როგორ უნდა შევაყვაროთ პატარებს ჯანსაღი ტკბილეული? მათი სახლში მომზადება უკვე ძალიან მარტივია, თუკი სამზარეულოში სათანადო მოწყობილობები გაქვთ.

ვაფლის აპარატი

ვის არ უყვარს გემრიელი ტკბილი ვაფლი შოკოლადით, კენკრითა და ბანანით? ამ გემრიელ სასუსნავს არამხოლოდ პატარები აღმერთებენ, ხშირად დიდებიც არ ვამბობთ მასზე უარს. თუკი მშობლების იმ კატეგორიას განეკუთვნებით, რომლებიც დიდხანს დგანან სუპერმარკეტების დახლებთან და ზედმიწევნით სწავლობენ თითოეული პროდუქტის შემადგენლობას, თქვენთვის კარგი სიახლე გვაქვს: ვაფლის აპარატის მეშვეობით გემრიელი სასუსნავის მომზადებას სწრაფად და მარტივად შეძლებთ!

ჯამში ავთქვიფოთ 2 ცალი კვერცხის ცილა. 1.5 ჭიქა რძეში ჩავყაროთ 2 სუფრის კოვზი საფუარი, 4 სუფრის კოვზი შაქარი, ვანილი და კვერცხის გულები. შემდეგ შევურიოთ ¾ ჭიქა ფქვილი და ავთქვიფოთ კარგად. დავამატოთ მესამედი ჭიქა გამდნარი კარაქი, მიღებული მასა კარგად ავთქვიფოთ და ჩავასხათ ვაფლის საცხობში. გამომცხვარ სურნელოვან ვაფლს კი მოვაყაროთ შაქრის პუდრი, გავაფორმოთ კენკრით ან იმ ხილის ნაჭრებით, რაც ყველაზე მეტად გიყვართ, და მივირთვათ გემრიელად!

ტოსტერი

გემრიელ და მიმზიდველად გაფორმებულ სენდვიჩებს ვერცერთი პრეტენზიული მჭამელი ვერ აუვლის გულგრილად გვერდს! მით უმეტეს, რომ ნებისმიერი ფერადი ბოსტნეულით, მოხარშული კვერცხითა და ყველის ნაჭრებით გახუხულ პურებზე სასაცილო გმირების გამოსახვაა შესაძლებელი. ამისათვის მხოლოდ დანა და სხვადასხვა სასარგებლო პროდუქტია საჭირო!

 

ჩირის აპარატი

ჯანსაღი ჩიფსები? ეს ნამდვილად შესაძლებელია, მით უმეტეს მაშინ, თუკი თქვენი პატარა ხილსა და ბოსტნეულს ცოცხლად არ ჭამს — ხილ-ბოსტნეული ხომ გამოშრობის შემდეგაც კი არ კარგავს სასარგებლო თვისებებს. ქლიავი, ვაშლი, ფორთოხალი, პომიდორი, სტაფილო, ბულგარული წიწაკა, ბროკოლი, ჭარხალი… ჩამონათვალი შორს წაგვიყვანს. ჩირის აპარატში ნებისმიერი ხილისა თუ ბოსტნეულის გამოშრობაა შესაძლებელი. ჩირის გასაკეთებლად ხილი შედარებით სქლად დაჭერით და გამოშრობის პროცესში ანაცვლეთ თეფშები, რათა ცხელი ჰაერი თითოეულ ნაჭერს თანაბრად მისწვდეს. ჩიფსების მოსამზადებლად კი ხილ-ბოსტნეული თხლად დაჭერით, რათა ხრამუნა, გემრიელი და თან სასარგებლო ჩიფსები მოამზადოთ.

ბლინის ტაფა

თხელი, იდეალური ფერისა და სტრუქტურის ბლინები, ერთი შეხედვით, მარტივი, თუმცა, სინამდვილეში, ძალიან ძნელი გამოსაცხობია. არ აქვს მნიშვნელობა, რამდენად კარგ მასას მოამზადებთ მანამდე, თუკი ტაფა ხელს არ გიწყობთ, ბლინის გადმოტრიალების პროცესი ნამდვილ კოშმარს უმარტივესად შეიძლება დაემსგავსოს. აღნიშნულ პრობლემას ბლინის საცხობი ელექტროტაფა ადვილად აგვარებს: მრგვალი ფორმის ზედაპირზე ცომი იდეალურად თანაბრად ნაწილდება და, რაც მთავარია, არც ამოტრიალება სჭირდება! შესაბამისად, მომზადებული ბლინებით შეგიძლიათ, თავი მოიწონოთ როგორც სოციალურ ქსელებში, ასევე ასიამოვნოთ პატარებსაც და ყოველი დილა გემრიელი ბლინებით გაულამაზოთ.

თითოეული პროდუქტის შეძენას ტექნიკის მაღაზიათა ქსელ გრანდ ელექტრონიკსში შეძლებთ. ასევე შესაძლებელია მათი ონლაინ გამოწერა ჩვენი ვებსაიტიდან! გრანდ ელექტრონიკსის კურიერი მას რამდენიმე საათში სახლში მოგართმევთ.

Mitsubishi Electric — კონდიციონერი, რომელთანაც არასოდეს გაცივდებით

08/14/2020
მომხმარებელი

უცნაურია, მაგრამ ფაქტია, რომ პირველი კონდიციონერი, რომელიც 1902 წელს ნიუ-იორკში დამონტაჟდა, სულაც არ ყოფილა ადამიანებისთვის განკუთვნილი. დანადგარის მთავარი მოვალეობა ტიპოგრაფიაში ტენიანობასთან ბრძოლა იყო. საქმე ის გახლდათ, რომ ტენი ცუდად მოქმედებდა ბეჭდვის ხარისხზე, შესაბამისად, გამომგონებელმა უილის ქერიერმა თანამედროვე კონდიციონერის წინაპარი სწორედ ამ მიზნით შექმნა.

ადამიანების გაგრილების იდეა 1929 წელს, კომპანია General Electric-მა კვლავ წამოწია წინ და პირველი ოთახის კონდიციონერი გამოუშვა. თუმცა მაშინდელი გაგრილების სისტემები არც ისე უსაფრთხო გახლდათ. მომწამლავი ნივთიერება — ფრეონის ნაცვლად; ჰაერის მთლიანად გამოშრობა; ჟანგბადის გაიშვიათება, ალერგია, გაციება და ა.შ. — ეს და სხვა ხარვეზები ბევრ თანამედროვე კონდიციონერისთვისაც კი დღემდე პრობლემას წარმოადგენს.

ტექნიკის თანამედროვე ბრენდებმა მოწყობილობას იონიზაციის, ჰაერის დატენიანების და ვენტილაციის ფუნქციები წარმატებით შეუთავსეს, თუმცა მთავარი პრობლემა — უსიამოვნო თეთრი ხმაური და ცივი ჰაერის ნაკადის უკონტროლო შემოდინება — კვლავ პრობლემად დარჩა.

ჩვენ ხშირად ვიკავებთ თავს კონდიციონერის სახლში დამონტაჟებისგან. ამის მიზეზი კი ძალიან ბევრია: იმიტომ რომ, განსაკუთრებით პატარა ბავშვები შეიძლება გაცივდნენ; ღამით ჩართული დაგვრჩეს ისე, რომ დილით კისერგაშეშებულებმა გავიღვიძოთ და ა.შ.

თანამედროვე სამყაროს ტექნოლოგიური გამოწვევები

ალბათ, ყველა ჩვენგანი კვირაში ერთხელ მაინც ვიგებთ ხოლმე ფრაზას: "კონდიციონერი გამორთეთ რა, მიბერავს!" ყველას გვყავს საახლობლოში ან ოფისში ერთი ადამიანი მაინც, რომელიც ყველაზე მოუხერხებელ ადგილას ზის და ყოველთვის მას უფრო მეტად უბერავს კონდიციონერი, ვიდრე — დანარჩენებს.

სავარაუდოდ, სწორედ ასეთი ადამიანის გამო გადაწყვიტა ტექნოლოგიის მსოფლიო გიგანტმა, Mitsubishi Electric-მა, გამოეშვა კონდიციონერი, რომელიც "ჭკვიანი მოწყობილობის" წყალობით "ცნობს" ადამიანებს და გრილი ჰაერის ნაკადს არიდებს.

3D i-see სენსორით ახალი კონდიციონერი არამხოლოდ დამატებით კომფორტს სთავაზობს მომხმარებელს, არამედ - ზოგავს ელექტროენერგიასაც.

როგორ მუშაობს ახალი კონდიციონერი?

წარმოიდგინეთ ელექტრონული ფარდა, რომელიც ჰაერის ნაკადის მეშვეობით უვნებელყოფს ბაქტერიებს, ვირუსებს, ალერგენებს და შთანთქავს მტვერს. Mitsubishi Electric-ის სუპერტექნოლოგია პლაზმური ფილტრის მეშვეობით ახერხებს ამას.

კონდიციონერს შეუძლია -10 გრადუსამდე ცელსიუსით გააგრილოს და +46 გრადუსამდე გაათბოს სივრცე. რაც შეეხება ხმას, იგი 19 დეციბელამდე აღწევს, რაც, დაახლოებით, ფოთლების შრიალის დონის ხმაურია.

ახალი კონდიციონერი Wi-Fi-ს უერთდება და მარტივად იმართება სმარტფონით. შესაბამისად, აღნიშნული მოდელი განსაკუთრებით გამოსადეგია მაშინ, როცა ცხელ ზაფხულში, პირდაპირ გზიდან გეგმავთ, რა დონეზე გაგრილებული შეიძლება დაგხვდეთ სახლი ან აგარაკი.

კონდიციონერი გამოყოფს სუფთა, იონიზებულ ნაკადს, წმენდს ჰაერს ბაქტერიებისგან და ვირუსებისგან და ნახშირბადს შთანთქავს. რაც განსაკუთრებით გამოსადეგია მათთვის, ვინც ხმაურიან და დაბინძურებულ მეგაპოლისებში ცხოვრობენ.

პლაზმური წმენდა ასევე ძალიან მოსახერხებელია ბავშვიანი ოჯახებისთვის. სეზონური გრიპებისა თუ ალერგიების მთელი სერია ხომ, პირველ რიგში, სწორედ ამ ადამიანებს გადააქვთ გვიანი შემოდგომიდან გაზაფხულის ჩათვლით.

რაც შეეხება გათბობას, გათბობის სპეციალური ჰიპერტექნოლოგია Mitsubishi Electric-ის ბრენდის კონდიციონერში გათვალისწინებულია განსაკუთრებით ცივი კლიმატისთვის, იქ, სადაც ტემპერატურა საშუალოდ -25 გრადუსს აღწევს.

ახალი კონდიციონერი ელეგანტური დიზაინითაც გამოირჩევა. მუქი ბორდოსფერი, რძისფერი, თეთრი და მქრქალი შავი - თანამედროვე სახლისა თუ ოფისის ინტერიერში განსაკუთრებულ ინოვაციურ აქცენტს შეიტანს.

Mitsubishi Electric-ის სმარტ-კონდიციონერის შეძენა საქართველოში უკვე შესაძლებელია გრანდ ელექტრონიქსის ვებგვერდზე.

სამზარეულოს ტექნიკა, რომელიც აუცილებლად უნდა შეიძინო, თუკი მარტო აპირებ საცხოვრებლად გადასვლას

08/14/2020
მომხმარებელი

რა შეიძლება იყოს იმაზე უკეთესი, ვიდრე საცხოვრებლად მარტო გადასვლის შესაძლებლობა? ამ დროს გონებაში უკვე ვაწყობთ მომავალ ბინას, უკვე ვიცით, სად დავიდგამთ საყვარელ სავარძელს; სად მოვიწყობთ სამუშაო თუ დასასვენებელ სივრცეებს.

თუმცა მარტო ცხოვრებას თან უამრავი სირთულეც სდევს. მაგალითად, არ უნდა დაგვავიწყდეს კომუნალური გადასახადების დროულად გადახდა; სარეცხის დროულად გარეცხვა და, რაც მთავარია, საბოლოოდ უნდა შევეგუოთ იმას, რომ ამიერიდან დედის მომზადებულ გემრიელ კერძებს უნდა დავემშვიდობოთ და თავად მოვამზადოთ.

ბევრი ახალბედა მზარეული სამზარეულოში უამრავ წინააღმდეგობას აწყდება: როგორ ჯობია გარნირის მომზადება? რა დავახვედროთ მეგობრებს? ბოლოსდაბოლოს, აქვს კი ყველას იმდენი დრო, რომ სამსახურიდან მოსულმა ნაირ-ნაირი, თან ჯანსაღი კერძები მოამზადონ?

საბედნიეროდ, თანამედროვე ტექნოლოგიების განვითარებასთან ერთად, სამზარეულოს დამწყები კულინარებისთვის უკვე შექმნილია ისეთი დანადგარები, რომლებიც მნიშვნელოვნად ამცირებს კერძის მომზადების დროს, დასვრილი ქვაბების და ტაფების რაოდენობას და ინგრედიენტებსაც თავად აქუცმაცებს სასურველ ზომაზე.

მაშ ასე, პირველი რა გვახსენდება, როცა სამსახურიდან დაღლილები ვბრუნდებით? რა თქმა უნდა, კერძის გაცხელება.

მიკროტალღური ღუმელი

მიკროტალღური ღუმელი დღესდღეობით არამხოლოდ გაცხელების, არამედ მომზადებისა და თვითწმენდის ფუნქციებსაც ითავსებს. ჭკვიანი ალგორითმის წყალობით ღუმელში რამდენიმე უკვე მზა რეცეპტი აქვს „ჩაშენებული“, რისი წყალობითაც ჩვენ აღარ გვიწევს ფიქრი, რომელი კერძის მომზადება რა გრადუსზეა საჭირო. ყველაფერს ერთი ღილაკი აგვარებს. თანამედროვე ღუმელებს ორთქლით წმენდის რეჟიმიც გააჩნიათ. ამისათვის საკმარისია მხოლოდ წყლის თასის ღუმელში შედგმა. 10-15 წუთში კი ღუმელი კვლავ სუფთა დაგხვდებათ.

მულტისახარში ქვაბი

რა შეიძლება იყოს იმაზე მოსახერხებელი, ვიდრე ერთი დანადგარით მთავარი კერძისა და გარნირის ერთდროულად მომზადებაა? მიუხედავად იმისა, რომ ზომაში საკმაოდ დიდია და დიდი ადგილის განთავისუფლება მოგიწევთ სამზარეულოში მის დასადგმელად, არ იდარდოთ – სამაგიეროდ, რამდენიმე ქვაბი და ტაფა საერთოდ აღარ დაგჭირდებათ. მულტისახარშ ქვაბებს რამდენიმე რეჟიმი გააჩნიათ, გარდა ამისა, მათი მოდელები ერთმანეთისგან განსხვავდება ტევადობითაც. ყველაფერი დამოკიდებულია იმაზე, თუ რამდენ ადამიანზე ამზადებთ ერთდროულად კერძს და ძირითადად, რის მომზადებას აპირებთ.

ფრიტურნიცა

გვეყო ჯანსაღ კვებაზე საუბარი. ხანდახან, ძალიან გვინდა, რომ საფეხბურთო მატჩის ან საყვარელი სერიალის საყურებლად შეკრებილ მეგობრებს სასუსნავებით და გამაგრილებელი სასმლით გავუმასპინძლდეთ. ფრიტურნიცაში კი შესაძლებელია კარტოფილი ფრის, ნაგეთსების და უამრავი გემრიელი ფასტფუდის სახლში მარტივად და სწრაფად მომზადება.

ყავის აპარატი

გეგულებათ ადამიანი, ვისაც ყავა არ უყვარს? მით უმეტეს, თანამედროვე ყავის აპარატში მომზადებული ესპრესო ან ამერიკანო? ყავის აპარატი ნამდვილად ის ტექნიკაა, რომელიც აუცილებლად უნდა იყოს ყველა ახალ სამზარეულოში. დილაობით აქ მომზადებული ახალი ყავის სურნელი ის საოცარი ეფექტია, რომლითაც დღე ხალისიანად და ენერგიულად დაიწყება.
თუკი ჩამოთვლილი ტექნიკის შეძენაზე ან მათ ფუნქციებზე უკვე დაფიქრდით, დაათვალიერეთ ტექნიკის მაღაზიათა ქსელის, გრანდ ელექტრონიქსის ონლაინ-მაღაზია და თავად გაეცანით მათ ფუნქციებსა და მახასიათებლებს უფრო დეტალურად.

სად ვიყიდოთ იდეალური კლიმატი? – ინოვაციური ტექნიკა იდეალური გარემოსთვის

08/14/2020
მომხმარებელი

სად ვიყიდოთ იდეალური კლიმატი?

 

ჰაერის დატენიანება და იონიზაცია ეს ის ტერმინებია, რომლებსაც იდეალური კონდიციონერის აღწერის დროს აუცილებლად გაიგებთ. მასზე ბევრს ლაპარაკობენ და ჰაერის კონტროლის ტექნიკასაც სწორედ ამის მიხედვით არჩევენ.

 

და მაინც, როგორია იდეალური გარემო ბინაში ადამიანისთვის, შინაური ცხოველებისთვის ან მცენარეებისთვის?

 

ესაა, პირველ რიგში, იდეალური სითბო; ენერგოეფექტური ტექნოლოგიური მოწყობილობები, რომელიც არის როგორც ეკოლოგიური, ასევე – ეკონომიური და სწორად დატენიანებული ჰაერი წლის ნებისმიერ დროს.

 

როგორია იდეალური კლიმატი ოთახში?

 

ჩვენ უკვე დიდი ხანია ვთანხმდებით იმაზე, რომ იდეალური კლიმატი მხოლოდ ტემპერატურას არ ნიშნავს. დაბერვის კუთხე და სიხშირე, ძილის დროს ტემპერატურის კონტროლის შესაძლებლობა, დაბალანსებული ნესტიანობა და ენერგოეფექტურობა – ეს უნდა იყოს ყველა თანამედროვე ჰაერის კონტროლის მოწყობილობის მახასიათებელი.

 

ბინაში იონიზაცია ბუნებრივად არ ხდება, რადგან იქ არსებულ ჰაერზე ბუნებრივი წყაროს ზემოქმედება არ ხდება. ამიტომაც სპეციალურ მოწყობილობებს ვიყენებთ: ჰაერის დამატენიანებლებს კონდიციონერებთან ერთად.

 

ჰაერის იონიზაცია ნიშნავს, რომ უმჯობესდება ძილის ხარისხი, შრომისუნარიანობა, იზრდება იმუნიტეტი, ნორმალიზდება ფსიქოლოგიური მდგომარეობა, ჩქარდება მეტაბოლიზმი, იწმინდება ჰაერი მტვრისგან და ალერგენებისგან.

 

როგორც წესი, ჰაერის კონტროლის მოწყობილობებს მხოლოდ გათბობისა და გაგრილების ფუნქცია აქვთ, ჰაერის იონიზაციისთვის კი მომხმარებელი დამატებით დამატენიანებელს ყიდულობს.

 

თუმცა თანამედროვე ტექნოლოგიების წყალობით, დღესდღეობით უკვე შესაძლებელია ისეთი ტიპის გაგრილების თუ გათბობის სისტემების შეძენა, რომლებსაც იდეალური ტემპერატურისა და დამატენიანებლის ერთდროულად შექმნა შეუძლიათ.

 

Mitsubishi Electric – ნახევარსაუკუნოვანი საერთაშორისო გამოცდილება

 

ტექნიკის გიგანტი Mitsubishi Electric 1921 წლის 15 იანვარს დაარსდა და თითქმის საუკუნეა, რაც მსოფლიო ბაზარზე გათბობა /გაგრილების სისტემებს და საყოფაცხოვრებო ტექნიკას  აწარმოებს. კომპანიის მიერ შექმნილი ძრავებით და სხვა ტექნიკური დეტალებით დღეს სხვა ტექნოლოგიური ბრენდები სარგებლობენ.

 

Mitsubishi Electric-ის კონდიციონერების შეძენა საქართველოში 2019 წლიდან ტექნიკის მაღაზიათა ქსელ „გრანდ ელექტრონიქსშია“ შესაძლებელი.

 

„გრანდ ელექტრონიქსის“ ფილიალებს შეხვდებით ვარკეთილში, გლდანში, სავაჭრო ცენტრ „მეგალაინში“, „ისთ ფოინთში“ და ძალიან მალე, უკვე საბურთალოს „სითი მოლშიც“.

 

ინოვაციური ტექნიკა იდეალური გარემოსთვის

 

საქართველოში, „გრანდ ელექტრონიქსის“ ფილიალებში შეძლებთ, შეიძინოთ ჰაერის კონტროლის თანამედროვე და ინოვაციური სისტემები Mitsubishi Electric-სგან, რომლებშიც ჩამონტაჟებულია wifi-მართვა. ეს მახასიათებელი მომხმარებელს აძლევს საშუალებას მობილური ტელეფონის საშუალებით მართოს დაბერვის კუთხე და სიხშირე; ძილის რეჟიმის ტემპერატურა; ელექტროენერგიის გამოყენების დათვლა; ტაიმერის დაყენება და ასევე ფუნქციების გაზიარება ოჯახის წევრებისთვის მობილური ტელეფონით.

 

კონდიციონერებში ჩამონტაჟებული იონიზაციის ფუნქცია კი უზრუნველყოფს ჰაერის დამატებით წმენდას ვირუსებისა და ბაქტერიებისგან.

 

როგორ შევარჩიოთ კონდიციონერი ჩვენი ბინისთვის

 

ოპტიმალური სიმძლავრე – ეს ის ყველაზე მნიშვნელოვანი მახასიათებელია, რომლის მიხედვითაც უნდა განვსაზღვროთ, თუ როგორი ტიპის კონდიციონერი გვჭირდება. თუ სიმძლავრე საჭიროზე ნაკლებია, მაქსიმალური ეფექტი ვერ მიიღწევა, მოგვიწევს, კონდიციონერი უწყვეტ რეჟიმში ვამუშაოთ, ეს კი სისტემის გადატვირთვას და დანადგარის მწყობრიდან დროზე ადრე გამოსვლას გამოიწვევს.

 

იმისათვის, რომ გამოვთვალოთ, თუ რა სიმძლავრის კონდიციონერი გვჭირდება, საჭიროა ჩვენი ბინის ფართობი გავყოთ 10-ზე. მაგალითად, თუკი ბინა 40კვ.მ-ია, კონდიციონერის ოპტიმალური სიმძლავრე 4კვტ უნდა იყოს. ასევე, აუცილებლად უნდა გავითვალისწინოთ შენობაშ მომუშავე სხვა ტექნიკის რაოდენობა და თითოეულ მოწყობილობაზე 0.5კვტ დავამატოთ. ასევე, დავუმატოთ ბინაში მცხოვრები ადამიანების რაოდენობაც და ერთ ადამიანზე +100 ვატი ვიანგარიშოთ.

როგორ ვიკვებოთ ჯანსაღად და გემრიელად - გრანდ ელექტრონიქსის რჩევები

08/14/2020
მომხმარებელი

როდესაც ჯანსაღ კვებაზე ვსაუბრობთ, პირველ რიგში, რაც თავში მოგვდის, არის ის, რომ გემრიელ კერძებს უნდა დავემშვიდობოთ. შემწვარ-მოხრაკული, ტკბილეული, სასუსნავები – უნდა ამოვიღოთ თუ არა ეს ყველაფერი ყოველდღიური რაციონიდან?

 

როგორც დიეტოლოგები და ჯანსაღი კვების მიმდევრები ამბობენ, სამზარეულოს ტექნიკის თანამედროვე მოწყობილობებმა, ეს მითი კარგა ხანია, დაანგრიეს. ჩვენ ისევე შეგვიძლია ვისიამოვნოთ გემრიელი კერძებით, როგორც – ადრე, უბრალოდ, უნდა ვიცოდეთ, მათი სწორად მომზადება.

 

ტექნიკის მაღაზიათა ქსელი გრანდ ელექტრონიქსი გთავაზობთ რამდენიმე მარტივ ტექნიკას, რომლის დახმარებითაც, თქვენ უპრობლემოდ შეძლებთ ჯანსაღი, დაბალანსებულ კვებაზე გადასვლას.

 

აეროგრილი

 

ვინ თქვა, რომ შემწვარ-მოხრაკული უნდა ამოვიღოთ რაციონიდან? ხორცეული, ფრინველის ხორცი, ბოსტნეული – ნებისმიერი რამ შეიძლება გემრიელად შეიბრაწოს აეროგრილზე ისე, რომ არც სასარგებლო თვისებები დაკარგოს, არც ზედმეტი ცხიმი დაგჭირდეთ მათი მომზადებისას და გემრიელადაც დანაყრდეთ.

 

მომზადებაც ძალიან მარტივია: დაჭრით ხორცს და ბოსტნეულს, დაალაგებთ გრილზე, ჩართავთ მოწყობილობას შესაბამის რეჟიმზე და გემრიელი სადილიც სულ მალე მზადაა!

 

ტოსტერი

 

თუკი პურთან და ცომეულთან გამომშვიდობება განსაკუთრებით გიჭირთ, დილაობით კი სენდვიჩები თქვენი განუყოფელი საუზმეა, გამოსავალი აქაც მოინახება: გახუხული პური გაცილებით ნაკლებ კალორიას და ნაკლებ მავნე ნივთიერებებს შეიცავს. ორ პურს შორის ჩალაგებული ყველი, პომიდორი და ცოტაოდენი ორეგანო კი ნამდვილად გემრიელი საუზმეა. თუკი პურზე თეთრი სეზამის მარცვლებსაც მოაბნევთ, მაშინ ნამდვილად შეგიძლიათ გემრიელი, თან ძალიან სასარგებლო საუზმითაც დანაყრდეთ.

 

წვენსაწური

 

ამ ჯადოქარ ტექნიკას ნამდვილად შეუძლია თქვენი გაოცება. ვერც კი წარმოიდგენდით აქამდე, თუ რამდენი წვენი შეიძლება ჰქონდეს სტაფილოს, ან სულაც, როგორი გემრიელია სტაფილოს, ვაშლისა და ფორთოხლის წვენი ერთად. არ დაგავიწყდეთ ცოტაოდენი წყლის დამატება იმისთვის, რომ მარტივად დაქუცმაცდეს ხილბოსტნეული. გარდა ამისა, წვენსაწურით იმ ბოსტნეულისგანაც შეგიძლიათ გემრიელი სმუზების მომზადება, რომელიც დიდად არ გიყვართ, მაგრამ – სასარგებლოა. მწვანილები, პიტნა, ლიმონი და ბევრი ყინული ერთდროულად დაგანაყრებთ, ენერგიასაც მოგიმატებთ და სასარგებლო ვიტამინებითა და მინერალებითაც აგავსებთ.

 

ჩირის აპარატი

 

კიდევ ერთი მითი, რომელიც თანამედროვე ტექნოლოგიებმა წარმატებით დაამარცხეს, ისაა, რომ ჯანსაღი კვება ტკბილეულის მიღებას თავიდან ბოლომდე გამორიცხავს. ჩირის აპარატით ნებისმიერი ხილის და ბოსტნეულის გამოშრობაა შესაძლებელი, რომელიც ჯანსაღი და გემრიელი სასუსნავი იქნება, თანაც არც დიეტას დაარღვევთ. ერთ ძალიან სასარგებლო და მარტივ რეცეპტსაც გასწავლით: ჩირის აპარატში არამხოლოდ ხილის, არამედ, ბოსტნეულის გამოშრობაც შესაძლებელია. ამისათვის საჭიროა, რომ ბოსტნეული იმაზე უფრო თხლად დაჭრათ, ვიდრე – ჩვეულებრივ. გემრიელი და ჯანსაღი ჩიფსებიც მზადაა!

 

სამზარეულოს სასწორი

დაბოლოს, დიეტის დასაწყისში აუცილებლად დაგჭირდებათ ჩვეულებრივი სამზარეულოს სასწორი, რომლითაც მარტივად გააკონტროლებთ კერძის რაოდენობას და შემდეგ გამოითვლით მის კალორაჟს. გაითვალისწინეთ ისიც, რომ პირველ რიგში უნდა აწონოთ ჭურჭელი, შემდეგ კი – ჭურჭელზე მოთავსებული საკვები და მიღებულ წონას გამოაკლოთ ჭურჭლის წონა.

 

ამ და სამზარეულოს სხვა ტექნიკის ყიდვა ჩვენს ვებგვერდზე მარტივად, სახლიდან (ან უფრო დეტალურად, სამზარეულოდან) გაუსვლელადაც შეგიძლიათ.

ტექნიკა, რომელიც აუცილებლად დაგვჭირდება თანამედროვე სამზარეულოში

07/31/2020
მომხმარებელი

როგორი უნდა იყოს თანამედროვე სამზარეულო? — პირველ რიგში, ის არ უნდა იკავებდეს დიდ ადგილს სახლში, რადგან თანამდროვე ცხოვრების სტილი მჭიდროდაა დაკავშირებული სტუდიოს ტიპის მცირე ფართის ბინებთან. გარდა ამისა, სამზარეულოში ნებისმიერი ინგრედიენტის დამუშავებისთვის განკუთვნილი დანადგარი ტექნოლოგიურად სულ უფროდაუფრო მეტად იხვეწება. ასე რომ, დღეს შინ თავისუფლად შეძლებთ ისეთივე გემრიელი კარტოფილი ფრის მომზადებას, როგორც ჩვენს საყვარელ სწრაფი კვების რესტორნებში.

რა გვჭირდება ასეთი სამზარეულოსთვის?

პირველ რიგში, უნდა განვსაზღვროთ, რამდენი და რა ასაკის ადამიანი იცხოვრებს ამ სახლში. შემდეგ კი, გავითვალისწინოთ მათი გემოვნებაც და შევუხამოთ ჯანსაღ კვებას. ასე რომ, სამზარეულოს ტექნიკის ასეთ მიქსს მივიღებთ:

მულტისახარში ქვაბი

მართლაც და, ეს სია წარმოუდგენელი იქნებოდა მულტისახარში ქვაბის გარეშე. წარმოიდგინეთ დანადგარი, რომელშიც კერძი და მისი გარნირი ერთდროულად მზადდება, ამისთვის კი დამატებით არანაირ ტაფას ან ქვაბს არ სვრით. თანამედროვე ტექნოლოგიებმა ჩვენი დატვირთული გრაფიკის საპასუხოდ ჯანსაღი კვების იდეალური ალტერნატივა შემოგვთავაზა. მისი არჩევისას ყურადღება უნდა მივაქციოთ სიმძლავრეს, მოცულობას, რეჟიმებს და დიზაინს. დღესდღეობით თითქმის ყველა მულტისახარში ქვაბი რეჟიმების გარკვეულ სტანდარტებს იზიარებს და ესენია: ორთქლზე ხარშვა, გამოცხობა, გაცხელება, ექსპრეს-ხარშვა, წვნიანის მომზადება, თევზისა და ხორცის შეწვის შესაძლებლობა, იოგურტისა და ფრის მომზადება, პურის გამოცხობა და ცომის მოზელა.

ყავის აპარატი

ძნელია დღეს გაიცნო ადამიანი, ვისაც ყავა არ უყვარს. იცოდით, რომ ყოველდღიურად მსოფლიოში 2 მილიარდზე მეტი ჭიქა ყავა ისმება? ყავის თანამედროვე აპარატები ძირითადად იყოფა წვეთოვან, ესპრესოს და კაფსულიან აპარატებად. თითოეულით რამდენიმე ტიპის ყავის მომზადება შეიძლება. მათ შორის "ჭკვიანი აპარატებიც" გვხვდება, რომელსაც შეძლებთ, წინასწარ განსაზღვრულ დროს "დაავალოთ" ყავის მომზადება. შედეგად, მაღვიძარის დარეკვასთან ერთად ახალმოდუღებული ფინჯანი ყავის სურნელიც გაგაღვიძებთ. და თუ მაინც იმ ადამიანებს მიეკუთვნებით, ვისაც ჩაი ურჩევნია, თქვენთვისაც გვაქვს კარგი ამბავი: არსებობენ ისეთი ყავის აპარატები, რომლებიც ჩაისაც ამზადებენ!

პურის საცხობი აპარატი

გახსოვთ კარანტინის პერიოდი? სოციალური ქსელები მსოფლიო მასშტაბით წალეკა სახლში გამომცხვარი პურების ფოტოებმა. თითქოს, მილენიალების თაობამ რამდენიმე კვირის წინ აღმოვაჩინეთ, რომ პურის გამოცხობა სახლშიც შესაძლებელია. შესაძლებელია და თან მერე როგორ! როგორ უნდა ავირჩიოთ პურის საცხობი აპარატი? ნებისმიერ მოდელს 4 ძირითადი რეჟიმი აქვს: სტანდარტული, დაჩქარებული, ცომის მოზელვა და ცხობა. აუცილებლად გაარკვიეთ, აქვს თუ არა პურის აპარატს ქერქის ცხობის რეჟიმიც, იმიტომ, რომ როგორც წესი, ეს პროგრამა აპარატებს ცალკე აქვთ.

ჩირის აპარატი

შეიძლება ჩირის მოყვარული სულაც არ ხართ, მაგრამ რას იტყოდით გემრიელ და ჯანსაღ ჩიფსებზე? ასეთი აპარატით, რომელიც არც თუ ისე ძვირი ღირს და თან არც ისე დიდ ადგილს იკავებს სამზარეულოში, უამრავი ჯანსაღი, ხილის ჩიფსის მომზადება შეიძლება. როგორც გამოცდილი მომხმარებლები გვირჩევენ, ხილის გამოშრობის სისწრაფე დამოკიდებულია თხელ ნაჭრებზე. რაც უფრო თხლადაა დაჭრილი ხილი, მით უფრო სწრაფად გამოშრება ის. კიდევ ერთი რჩევა გამოცდილი "მეჩირეებისგან": იმისთვის, რომ ხილი თანაბრად გამოშრეს ყველა თაროზე, აუცილებელია დროდადრო თაროებს ადგილები შეუცვალოთ.

და ბოლოს, კომბაინი

დანადგარი რომელიც უმარტივესად და უსწრაფესად ამტვრევს, ანაკუწებს, აქუცმაცებს, ატარებს ან ურევს ერთმანეთს ნებისმიერ ინგრედიენტს. ერთი დანადგარით თქვენ შეძლებთ დაწუროთ წვენი, გააკეთოთ ფარში, დაჭრათ ბოსტნეული, მოამზადოთ პიურე და ა.შ. სანამ ამ უმნიშვნელოვანესი ნივთის შეძენას გადაწყვეტთ, აუცილებლად გაათავისუფლეთ ადგილი თქვენს სამზარეულოში, იმიტომ რომ კომბაინს (თავისი ყველა ნაწილისა და დეტალის ჩათვლით) დიდი ადგილი სჭირდება. თუმცა ეს ნუ შეგაშინებთ: კომბაინი ნამდვილად უამრავ ნივთს ჩაანაცვლებს.

როგორ არჩევენ სპორტის მოყვარულები ტელევიზორებს

07/27/2020
მომხმარებელი

როგორი წარმოგიდგენიათ კარგი სპორტული თამაში?

პირველ რიგში, მნიშვნელოვანია საყვარელი გუნდი, რომელსაც ვგულშემატკივრობთ; შემდეგ - გამორჩეული მოთამაშეები, რომლებიც განსაკუთრებულ ხიბლს სძენენ სპორტულ შეჯიბრებებს.

გარდა ამისა, მნიშვნელოვანია მეგობრებიც, ვისთანაც მოგების სიხარულის თუ წაგების სევდის გაზიარება გვსურს. ამ ჩამონათვალში ყველაზე გადამწყვეტი მაინც კარგი გამოსახულებაა: თუკი თამაშზე დასწრებას ვერ ვახერხებთ, აუცილებლად უნდა გვქონდეს კარგი ტელევიზორი, რომლის წინაც მეგობრებთან ერთად მოვკალათდებით, გემრიელ სასუსნავებს მოვიმარაგებთ და საყვარელ გუნდს ერთად ვუგულშემატკივრებთ.  

სწორედ ამიტომ, ნებისმიერი სპორტის მოყვარული გეტყვით, რომ ძალიან მნიშვნელოვანია სახლში კარგი ტელევიზორი ჰქონდეს. როგორ ავირჩიოთ კარგი ტელევიზორი? რას უნდა მივაქციოთ ყურადღება? ტექნიკის მაღაზიათა ქსელის, „გრანდ ელექტრონიქსის“ პროფესიონალი კონსულტანტები ამასთან დაკავშირებით რამდენიმე მნიშვნელოვან რჩევას გაგიზიარებენ.

ტელევიზორის ზომა

როდესაც ეკრანის ზომაზე ვსაუბრობთ, პირველ რიგში, უნდა გადაწყვიტოთ, სად დადგამთ ტელევიზორს - საძინებელში, სამზარეულოში თუ სასტუმრო ოთახში. თუკი ტელევიზორის ყურებას 0.6-1 მეტრამდე მანძილიდან აპირებთ, მაშინ მისი დიაგონალი 28-76სმ უნდა იყოს. თუ დაშორება 2 მეტრამდეა, მაშინ 109-193სმ-მდე; ხოლო თუ დაშორება 3 მეტრზე მეტია თქვენსა და ტელევიზორს შორის, მაშინ თავისუფლად შეგიძლიათ 193სმ-ზე დიდი დიაგონალის მქონე ტელევიზორით ისიამოვნოთ.

ტელევიზორის ტიპი

დღეს ყველაზე აქტუალური LED და პლაზმური ტიპის ტელევიზორებია. თითოეულ ტიპს გააჩნია თავისი დადებითი და უარყოფითი მხარეები.

პლაზმური ტელევიზორი, რადგან მისი ეკრანი შუშისგანაა დამზადებული, სინათლეს ირეკლავს, შესაბამისად, განათებულ ოთახში გამოსახულება საკმაოდ ბუნდოვანია. თუმცა, მნიშვნელოვანია ის, რომ ბნელ გამოსახულებას მკვეთრად გადმოსცემს, კარგი ხედვის კუთხე აქვს და, რაც ძალიან მნიშვნელოვანია სპორტის მოყვარულებისთვის, სწრაფად მოძრავი კადრების შემთხვევაშიც კი გამოსახულება საუკეთესოა.

რაც შეეხება LED ტელევიზორს, იგი მოიხმარს ნაკლებ ელექტროენერგიას და გამოსახულების ჩვენების ყველაზე გაუმჯობესებული ხარისხითაც ხასიათდება. თუმცა შედარებით ძვირიც ღირს დანარჩენ ტიპებთან შედარებით.

დამატებითი ფუნქციები

დღევანდელ ტელევიზორებს, გარდა მაუწყებლობის მიღებისა, უამრავი სხვა ფუნქციაც გააჩნიათ. Smart TV არის ტექნოლოგია, რომლითაც თქვენი ტელევიზორი ჩვეულებრივ თანამედროვე გაჯეტად გარდაიქმნება, სადაც უამრავი საჭირო აპლიკაციაა ჩაწერილი ინტერნეტბრაუზერის ჩათვლით.

ამინდის პროგნოზი, ვალუტის კურსი, სოციალური მედიის აპლიკაციები, ნეტფლიქსი, ეკრანის გაზიარების ფუნქცია (როდესაც შეგიძლია, მაგალითად, ტელეფონი და ტელევიზორი ერთმანეთს დაუკავშირო) და ა.შ. - smart TV ტექნოლოგიის ერთადერთი მოთხოვნა Wi-Fi-ა. მისი საშუალებით, შეძლებთ უყუროთ არამხოლოდ სამაუწყებლო არხების პროგრამებს, არამედ - ფილმებს, სპორტულ მატჩებს სხვადასხვა ინტერნეტ-გვერდებზე და ა.შ.

უფრო მეტი დეტალის სანახავად, დაათვალიერეთ ტელევიზორების კატალოგი, ჩამოთვლილი პარამეტრების დახმარებით შეარჩიეთ თქვენთვის სასურველი ტელევიზორი და შეუკვეთეთ ის სახლიდან გაუსვლელად.

როგორ შევარჩიოთ იდეალური კონდიციონერი ჩვენი ბინისთვის

07/22/2020
მომხმარებელი

 

კონდიციონერი ტექნიკის ის პროდუქტია, რომელიც, ძირითადად მხოლოდ მაშინ გვახსენდება, როცა უკვე ძალიან ცხელა. თანაც, მისი შეძენა და დაყენება სხვა ტექნიკასთან შედარებით, მარტივი სულაც არაა.

გარდა იმისა, რომ კონდიციონერის გარე აგრეგატის დასაყენებლად სხვადასხვა ტიპის ოფიციალური ნებართვაა საჭირო, არის კიდევ რამდენიმე მნიშვნელოვანი კითხვა, რომელიც აუცილებლად უნდა დავუსვათ კონსულტანტს, სანამ კონდიციონერს შევიძენთ.

გრანდ ელექტრონიქსი გთავაზობთ კონდიციონერების ფართო არჩევანს. პროდუქციის შეძენა არამხოლოდ ფილიალებში, არამედ — ვებგვერდზეც შეგიძლიათ. გრანდ ელექტრონიქსის პროფესიონალი კონსულტანტები კი გთავაზობენ რჩევებს, თუ რაზე უნდა გაამახვილოთ ყურადღება, სანამ კონდიციონერის შეძენას დააპირებთ.

სიმძლავრე

სანამ კონდიციონერის სხვადასხვა რეჟიმებით დავინტერესდებით, პირველ რიგში, უნდა გავარკვიოთ, თუ რა სიმძლავრის კონდიციონერი გვჭირდება. ეს დამოკიდებულია ჩვენი საცხოვრებელი ბინის ფართობზე. ამას BTU მაჩვენებელი ქვია.

დაიანგარიშეთ ფართობი, რომლის გაგრილებასაც აპირებთ. გაითვალისწინეთ, რომ 1 კილოვატი შენობის 8-10კვ.მ.-ს ყოფნის, ხოლო 1 კილოვატი = 3.412 BTU.

აქვე, გასათვალისწინებელია ოთახის ადგილმდებარეობა:

  • თუ ოთახს მზე უდგება, გამოანგარიშებული BTU უნდა გაამრავლოთ 10%-ზე;

  • თუ ოთახი ჩრდილშია, BTU 10%-ზე უნდა გაიყოს;

  • თუ ოთახში ერთზე მეტი ადამიანი იქნება, მაშინ თითოეულ ადამიანზე დაამატეთ 600 BTU;

  • თუ სამზარეულოში აპირებთ კონდიციონერი მონტაჟს, დაამატეთ 4 000 BTU;

ენერგოეფექტურობა

ენერგოეფექტურობას დიდი ყურადღება ექცევა არამხოლოდ ეკოლოგიაზე ზრუნვის, არამედ მისი ეკონომიურობის გამოც. კონდიციონერებს ენერგოეფექტურობის ორი მაჩვენებელი აქვს: EER და COP. EER, ანუ ენერგოეფექტურობის კოეფიციენტი ყინვისა და ელექტროენერგიის ხარჯის ურთიერთმიმართებას გამოხატავს. მისი მაჩვენებელი 8-დან 11.5-მდე მერყეობს. რაც უფრო მაღალია ის, მით უფრო ნაკლებ ელექტროენერგიას მოიხმარს კონდიციონერი. რაც შეეხება COP-ს, ანუ სითბოს წარმოქმნისა და დახარჯული ელექტროენერგიის ურთიერთმიმართებას — რაც უფრო მაღალია COP კოეფიციენტი, მით უფრო მაღალია ენერგოეფექტურობა.

სხვადასხვა რეჟიმები

როგორც წესი, თანამედროვე კონდიციონერებს გაგრილების გარდა უკვე აქვთ სხვა სასარგებლო ფუნქციებიც. მათ შორისაა ჰაერის გაწმენდის, გათბობის, ტენის ამოშრობის ან პირიქით, დატენიანების რეჟიმები. აუცილებლად კითხეთ კონსულტანტს ვენტილაციის, ღამის, ავტომატური ჩართვა/გამორთვის და ა.შ. რეჟიმების შესახებაც.

იონიზაციის ფუნქცია

თანამედროვე კონდიციონერებს, გარდა გაგრილების თუ ვენტილაციის რეჟიმებისა, იონიზაციის ფუნქციაც გააჩნიათ. თუმცა ამ ფუნქციასთან სიფრთხილეც გმართებთ. სპეციალისტები იონიზირებული ჰაერის სუნთქვას არ ურჩევენ მათ, ვინც ასთმური ბრონქიტით ან ვირუსითაა დაავადებული. თუმცა, ზოგადად, იონიზაცია კარგია ძილის ხარისხის, შრომისუნარიანობის, იმუნიტეტის, ფსიქოლოგიური მდგომარეობის და მეტაბოლიზმის გასაუმჯობესებლად.

თუმცა, თუკი ასეთ ტექნიკურ დეტალებში გარკვევის დრო არ გაქვთ, გრანდ ელექტრონიქსის პროფესიონალი კონსულტანტები კომფორტულ და თანამედროვე ფილიალებში კონდიციონერის თითოეულ ფუნქციას სიამოვნებით განგიმარტავენ და თავად შეგირჩევენ კონკრეტულად თქვენი ბინისთვის მორგებულ მოდელს.

კომენტარები

კომენტარეები ვერ მოიძებნა

შეტყობინების დატოვება

ახალი სტატიები ახალი სტატიები