ტექნიკა, რომელიც აუცილებლად დაგვჭირდება თანამედროვე სამზარეულოში

07/31/2020
მომხმარებელი Lela Beridze

როგორი უნდა იყოს თანამედროვე სამზარეულო? — პირველ რიგში, ის არ უნდა იკავებდეს დიდ ადგილს სახლში, რადგან თანამდროვე ცხოვრების სტილი მჭიდროდაა დაკავშირებული სტუდიოს ტიპის მცირე ფართის ბინებთან. გარდა ამისა, სამზარეულოში ნებისმიერი ინგრედიენტის დამუშავებისთვის განკუთვნილი დანადგარი ტექნოლოგიურად სულ უფროდაუფრო მეტად იხვეწება. ასე რომ, დღეს შინ თავისუფლად შეძლებთ ისეთივე გემრიელი კარტოფილი ფრის მომზადებას, როგორც ჩვენს საყვარელ სწრაფი კვების რესტორნებში.

რა გვჭირდება ასეთი სამზარეულოსთვის?

პირველ რიგში, უნდა განვსაზღვროთ, რამდენი და რა ასაკის ადამიანი იცხოვრებს ამ სახლში. შემდეგ კი, გავითვალისწინოთ მათი გემოვნებაც და შევუხამოთ ჯანსაღ კვებას. ასე რომ, სამზარეულოს ტექნიკის ასეთ მიქსს მივიღებთ:

მულტისახარში ქვაბი

მართლაც და, ეს სია წარმოუდგენელი იქნებოდა მულტისახარში ქვაბის გარეშე. წარმოიდგინეთ დანადგარი, რომელშიც კერძი და მისი გარნირი ერთდროულად მზადდება, ამისთვის კი დამატებით არანაირ ტაფას ან ქვაბს არ სვრით. თანამედროვე ტექნოლოგიებმა ჩვენი დატვირთული გრაფიკის საპასუხოდ ჯანსაღი კვების იდეალური ალტერნატივა შემოგვთავაზა. მისი არჩევისას ყურადღება უნდა მივაქციოთ სიმძლავრეს, მოცულობას, რეჟიმებს და დიზაინს. დღესდღეობით თითქმის ყველა მულტისახარში ქვაბი რეჟიმების გარკვეულ სტანდარტებს იზიარებს და ესენია: ორთქლზე ხარშვა, გამოცხობა, გაცხელება, ექსპრეს-ხარშვა, წვნიანის მომზადება, თევზისა და ხორცის შეწვის შესაძლებლობა, იოგურტისა და ფრის მომზადება, პურის გამოცხობა და ცომის მოზელა.

ყავის აპარატი

ძნელია დღეს გაიცნო ადამიანი, ვისაც ყავა არ უყვარს. იცოდით, რომ ყოველდღიურად მსოფლიოში 2 მილიარდზე მეტი ჭიქა ყავა ისმება? ყავის თანამედროვე აპარატები ძირითადად იყოფა წვეთოვან, ესპრესოს და კაფსულიან აპარატებად. თითოეულით რამდენიმე ტიპის ყავის მომზადება შეიძლება. მათ შორის "ჭკვიანი აპარატებიც" გვხვდება, რომელსაც შეძლებთ, წინასწარ განსაზღვრულ დროს "დაავალოთ" ყავის მომზადება. შედეგად, მაღვიძარის დარეკვასთან ერთად ახალმოდუღებული ფინჯანი ყავის სურნელიც გაგაღვიძებთ. და თუ მაინც იმ ადამიანებს მიეკუთვნებით, ვისაც ჩაი ურჩევნია, თქვენთვისაც გვაქვს კარგი ამბავი: არსებობენ ისეთი ყავის აპარატები, რომლებიც ჩაისაც ამზადებენ!

პურის საცხობი აპარატი

გახსოვთ კარანტინის პერიოდი? სოციალური ქსელები მსოფლიო მასშტაბით წალეკა სახლში გამომცხვარი პურების ფოტოებმა. თითქოს, მილენიალების თაობამ რამდენიმე კვირის წინ აღმოვაჩინეთ, რომ პურის გამოცხობა სახლშიც შესაძლებელია. შესაძლებელია და თან მერე როგორ! როგორ უნდა ავირჩიოთ პურის საცხობი აპარატი? ნებისმიერ მოდელს 4 ძირითადი რეჟიმი აქვს: სტანდარტული, დაჩქარებული, ცომის მოზელვა და ცხობა. აუცილებლად გაარკვიეთ, აქვს თუ არა პურის აპარატს ქერქის ცხობის რეჟიმიც, იმიტომ, რომ როგორც წესი, ეს პროგრამა აპარატებს ცალკე აქვთ.

ჩირის აპარატი

შეიძლება ჩირის მოყვარული სულაც არ ხართ, მაგრამ რას იტყოდით გემრიელ და ჯანსაღ ჩიფსებზე? ასეთი აპარატით, რომელიც არც თუ ისე ძვირი ღირს და თან არც ისე დიდ ადგილს იკავებს სამზარეულოში, უამრავი ჯანსაღი, ხილის ჩიფსის მომზადება შეიძლება. როგორც გამოცდილი მომხმარებლები გვირჩევენ, ხილის გამოშრობის სისწრაფე დამოკიდებულია თხელ ნაჭრებზე. რაც უფრო თხლადაა დაჭრილი ხილი, მით უფრო სწრაფად გამოშრება ის. კიდევ ერთი რჩევა გამოცდილი "მეჩირეებისგან": იმისთვის, რომ ხილი თანაბრად გამოშრეს ყველა თაროზე, აუცილებელია დროდადრო თაროებს ადგილები შეუცვალოთ.

და ბოლოს, კომბაინი

დანადგარი რომელიც უმარტივესად და უსწრაფესად ამტვრევს, ანაკუწებს, აქუცმაცებს, ატარებს ან ურევს ერთმანეთს ნებისმიერ ინგრედიენტს. ერთი დანადგარით თქვენ შეძლებთ დაწუროთ წვენი, გააკეთოთ ფარში, დაჭრათ ბოსტნეული, მოამზადოთ პიურე და ა.შ. სანამ ამ უმნიშვნელოვანესი ნივთის შეძენას გადაწყვეტთ, აუცილებლად გაათავისუფლეთ ადგილი თქვენს სამზარეულოში, იმიტომ რომ კომბაინს (თავისი ყველა ნაწილისა და დეტალის ჩათვლით) დიდი ადგილი სჭირდება. თუმცა ეს ნუ შეგაშინებთ: კომბაინი ნამდვილად უამრავ ნივთს ჩაანაცვლებს.

როგორ არჩევენ სპორტის მოყვარულები ტელევიზორებს

07/27/2020
მომხმარებელი Lela Beridze

როგორი წარმოგიდგენიათ კარგი სპორტული თამაში?

პირველ რიგში, მნიშვნელოვანია საყვარელი გუნდი, რომელსაც ვგულშემატკივრობთ; შემდეგ - გამორჩეული მოთამაშეები, რომლებიც განსაკუთრებულ ხიბლს სძენენ სპორტულ შეჯიბრებებს.

გარდა ამისა, მნიშვნელოვანია მეგობრებიც, ვისთანაც მოგების სიხარულის თუ წაგების სევდის გაზიარება გვსურს. ამ ჩამონათვალში ყველაზე გადამწყვეტი მაინც კარგი გამოსახულებაა: თუკი თამაშზე დასწრებას ვერ ვახერხებთ, აუცილებლად უნდა გვქონდეს კარგი ტელევიზორი, რომლის წინაც მეგობრებთან ერთად მოვკალათდებით, გემრიელ სასუსნავებს მოვიმარაგებთ და საყვარელ გუნდს ერთად ვუგულშემატკივრებთ.  

სწორედ ამიტომ, ნებისმიერი სპორტის მოყვარული გეტყვით, რომ ძალიან მნიშვნელოვანია სახლში კარგი ტელევიზორი ჰქონდეს. როგორ ავირჩიოთ კარგი ტელევიზორი? რას უნდა მივაქციოთ ყურადღება? ტექნიკის მაღაზიათა ქსელის, „გრანდ ელექტრონიქსის“ პროფესიონალი კონსულტანტები ამასთან დაკავშირებით რამდენიმე მნიშვნელოვან რჩევას გაგიზიარებენ.

ტელევიზორის ზომა

როდესაც ეკრანის ზომაზე ვსაუბრობთ, პირველ რიგში, უნდა გადაწყვიტოთ, სად დადგამთ ტელევიზორს - საძინებელში, სამზარეულოში თუ სასტუმრო ოთახში. თუკი ტელევიზორის ყურებას 0.6-1 მეტრამდე მანძილიდან აპირებთ, მაშინ მისი დიაგონალი 28-76სმ უნდა იყოს. თუ დაშორება 2 მეტრამდეა, მაშინ 109-193სმ-მდე; ხოლო თუ დაშორება 3 მეტრზე მეტია თქვენსა და ტელევიზორს შორის, მაშინ თავისუფლად შეგიძლიათ 193სმ-ზე დიდი დიაგონალის მქონე ტელევიზორით ისიამოვნოთ.

ტელევიზორის ტიპი

დღეს ყველაზე აქტუალური LED და პლაზმური ტიპის ტელევიზორებია. თითოეულ ტიპს გააჩნია თავისი დადებითი და უარყოფითი მხარეები.

პლაზმური ტელევიზორი, რადგან მისი ეკრანი შუშისგანაა დამზადებული, სინათლეს ირეკლავს, შესაბამისად, განათებულ ოთახში გამოსახულება საკმაოდ ბუნდოვანია. თუმცა, მნიშვნელოვანია ის, რომ ბნელ გამოსახულებას მკვეთრად გადმოსცემს, კარგი ხედვის კუთხე აქვს და, რაც ძალიან მნიშვნელოვანია სპორტის მოყვარულებისთვის, სწრაფად მოძრავი კადრების შემთხვევაშიც კი გამოსახულება საუკეთესოა.

რაც შეეხება LED ტელევიზორს, იგი მოიხმარს ნაკლებ ელექტროენერგიას და გამოსახულების ჩვენების ყველაზე გაუმჯობესებული ხარისხითაც ხასიათდება. თუმცა შედარებით ძვირიც ღირს დანარჩენ ტიპებთან შედარებით.

დამატებითი ფუნქციები

დღევანდელ ტელევიზორებს, გარდა მაუწყებლობის მიღებისა, უამრავი სხვა ფუნქციაც გააჩნიათ. Smart TV არის ტექნოლოგია, რომლითაც თქვენი ტელევიზორი ჩვეულებრივ თანამედროვე გაჯეტად გარდაიქმნება, სადაც უამრავი საჭირო აპლიკაციაა ჩაწერილი ინტერნეტბრაუზერის ჩათვლით.

ამინდის პროგნოზი, ვალუტის კურსი, სოციალური მედიის აპლიკაციები, ნეტფლიქსი, ეკრანის გაზიარების ფუნქცია (როდესაც შეგიძლია, მაგალითად, ტელეფონი და ტელევიზორი ერთმანეთს დაუკავშირო) და ა.შ. - smart TV ტექნოლოგიის ერთადერთი მოთხოვნა Wi-Fi-ა. მისი საშუალებით, შეძლებთ უყუროთ არამხოლოდ სამაუწყებლო არხების პროგრამებს, არამედ - ფილმებს, სპორტულ მატჩებს სხვადასხვა ინტერნეტ-გვერდებზე და ა.შ.

უფრო მეტი დეტალის სანახავად, დაათვალიერეთ ტელევიზორების კატალოგი, ჩამოთვლილი პარამეტრების დახმარებით შეარჩიეთ თქვენთვის სასურველი ტელევიზორი და შეუკვეთეთ ის სახლიდან გაუსვლელად.

როგორ შევარჩიოთ იდეალური კონდიციონერი ჩვენი ბინისთვის

07/22/2020
მომხმარებელი Lela Beridze

 

კონდიციონერი ტექნიკის ის პროდუქტია, რომელიც, ძირითადად მხოლოდ მაშინ გვახსენდება, როცა უკვე ძალიან ცხელა. თანაც, მისი შეძენა და დაყენება სხვა ტექნიკასთან შედარებით, მარტივი სულაც არაა.

გარდა იმისა, რომ კონდიციონერის გარე აგრეგატის დასაყენებლად სხვადასხვა ტიპის ოფიციალური ნებართვაა საჭირო, არის კიდევ რამდენიმე მნიშვნელოვანი კითხვა, რომელიც აუცილებლად უნდა დავუსვათ კონსულტანტს, სანამ კონდიციონერს შევიძენთ.

გრანდ ელექტრონიქსი გთავაზობთ კონდიციონერების ფართო არჩევანს. პროდუქციის შეძენა არამხოლოდ ფილიალებში, არამედ — ვებგვერდზეც შეგიძლიათ. გრანდ ელექტრონიქსის პროფესიონალი კონსულტანტები კი გთავაზობენ რჩევებს, თუ რაზე უნდა გაამახვილოთ ყურადღება, სანამ კონდიციონერის შეძენას დააპირებთ.

სიმძლავრე

სანამ კონდიციონერის სხვადასხვა რეჟიმებით დავინტერესდებით, პირველ რიგში, უნდა გავარკვიოთ, თუ რა სიმძლავრის კონდიციონერი გვჭირდება. ეს დამოკიდებულია ჩვენი საცხოვრებელი ბინის ფართობზე. ამას BTU მაჩვენებელი ქვია.

დაიანგარიშეთ ფართობი, რომლის გაგრილებასაც აპირებთ. გაითვალისწინეთ, რომ 1 კილოვატი შენობის 8-10კვ.მ.-ს ყოფნის, ხოლო 1 კილოვატი = 3.412 BTU.

აქვე, გასათვალისწინებელია ოთახის ადგილმდებარეობა:

  • თუ ოთახს მზე უდგება, გამოანგარიშებული BTU უნდა გაამრავლოთ 10%-ზე;

  • თუ ოთახი ჩრდილშია, BTU 10%-ზე უნდა გაიყოს;

  • თუ ოთახში ერთზე მეტი ადამიანი იქნება, მაშინ თითოეულ ადამიანზე დაამატეთ 600 BTU;

  • თუ სამზარეულოში აპირებთ კონდიციონერი მონტაჟს, დაამატეთ 4 000 BTU;

ენერგოეფექტურობა

ენერგოეფექტურობას დიდი ყურადღება ექცევა არამხოლოდ ეკოლოგიაზე ზრუნვის, არამედ მისი ეკონომიურობის გამოც. კონდიციონერებს ენერგოეფექტურობის ორი მაჩვენებელი აქვს: EER და COP. EER, ანუ ენერგოეფექტურობის კოეფიციენტი ყინვისა და ელექტროენერგიის ხარჯის ურთიერთმიმართებას გამოხატავს. მისი მაჩვენებელი 8-დან 11.5-მდე მერყეობს. რაც უფრო მაღალია ის, მით უფრო ნაკლებ ელექტროენერგიას მოიხმარს კონდიციონერი. რაც შეეხება COP-ს, ანუ სითბოს წარმოქმნისა და დახარჯული ელექტროენერგიის ურთიერთმიმართებას — რაც უფრო მაღალია COP კოეფიციენტი, მით უფრო მაღალია ენერგოეფექტურობა.

სხვადასხვა რეჟიმები

როგორც წესი, თანამედროვე კონდიციონერებს გაგრილების გარდა უკვე აქვთ სხვა სასარგებლო ფუნქციებიც. მათ შორისაა ჰაერის გაწმენდის, გათბობის, ტენის ამოშრობის ან პირიქით, დატენიანების რეჟიმები. აუცილებლად კითხეთ კონსულტანტს ვენტილაციის, ღამის, ავტომატური ჩართვა/გამორთვის და ა.შ. რეჟიმების შესახებაც.

იონიზაციის ფუნქცია

თანამედროვე კონდიციონერებს, გარდა გაგრილების თუ ვენტილაციის რეჟიმებისა, იონიზაციის ფუნქციაც გააჩნიათ. თუმცა ამ ფუნქციასთან სიფრთხილეც გმართებთ. სპეციალისტები იონიზირებული ჰაერის სუნთქვას არ ურჩევენ მათ, ვინც ასთმური ბრონქიტით ან ვირუსითაა დაავადებული. თუმცა, ზოგადად, იონიზაცია კარგია ძილის ხარისხის, შრომისუნარიანობის, იმუნიტეტის, ფსიქოლოგიური მდგომარეობის და მეტაბოლიზმის გასაუმჯობესებლად.

თუმცა, თუკი ასეთ ტექნიკურ დეტალებში გარკვევის დრო არ გაქვთ, გრანდ ელექტრონიქსის პროფესიონალი კონსულტანტები კომფორტულ და თანამედროვე ფილიალებში კონდიციონერის თითოეულ ფუნქციას სიამოვნებით განგიმარტავენ და თავად შეგირჩევენ კონკრეტულად თქვენი ბინისთვის მორგებულ მოდელს.

10 სახალისო გზა, როგორ გავგრილდეთ ზაფხულში

07/22/2020
მომხმარებელი Lela Beridze

 

გამაგრილებელი სახალისო გამოწვევა ტექნიკის მაღაზიათა ქსელ გრანდ ელექტრონიქსისგან დაიწყო! გამოწვევაში მონაწილეობის მისაღებად, გადაიღეთ ფოტო ან ვიდეო, რომელიც ასახავს, როგორ გრილდებით ზაფხულის ცხელ დღეებში გრანდ ელექტრონიქსთან ერთად.

სახალისო ვიდეოში ან ფოტოში გამოყენებული უნდა იყოს საყოფაცხოვრებო ტექნიკა. გამოწვევა გაგრძელდება 7 აგვისტომდე და გამოვლინდება 3 გამარჯვებული. აუცილებელი პირობაა სურათი/ვიდეოს განთავსების დროს მონიშნოთ გრანდ ელექტრონიქსის გვერდი და გამოიყენოთ ჰეშთეგი #გაგრილდიგრანდთანერთად.

თუკი კონკურსში მონაწილეობა გადაწყვიტე, თუმცა ამ სიცხეში გიჭირს მოიფიქრო გაგრილების ორიგინალური იდეა, რამდენიმე სახალისო გზას ჩვენ შემოგთავაზებთ:

1. დაგეგმე "ექსპედიცია საყინულეში"

ცოტა ხნით მაცივრის საყინულეში თავის შეყოფა და გაგრილება სულაც არაა ცუდი იდეა აუტანელი სიცხის დროს. თუმცა ნამდვილად არ ღირს კინოსა თუ მულტფილმის გმირების ცუდი გამოცდილების გადმოღება და ენის ყინულზე დადება. დაგვიჯერეთ, მართლა ეწებება.

2. "კარავი" სააბაზანოში

ასე თბილისურ ხვატს აქ მცხოვრები ჰასკის ჯიშის ძაღლები გაურბიან ხოლმე. გრილ სააბაზანოს იატაკზე წოლა არც ისე ცუდი გამოსავალია, უფრო კომფორტული დასაჯდომისთვის ძირს ფუმფულა პირსახოცი დააფინეთ.

3. ცხელი ჩაი

არ მოგესმათ, ცხელი ჩაით გრილდებიან ისეთ ცხელ ქვეყნებში, როგორიცაა ირანი, საუდის არაბეთი და სხვა მუსულმური ქვეყნები, სადაც ჩაის კულტურაა გავრცელებული. ცხელი ჩაი ოფლდენას იწვევს, სხეული კი ოფლის გამოყოფის შემდეგ გრილდება.

4. სათბურა, ე.წ. "გრელკა", ოღონდ პირიქით — ყინულიანი ბოთლით

გადააცვით ყინულით სავსე ბოთლს ნაქსოვი ჯემპრი და ცოტა ხნით ჩაიხუტეთ.

5. გაყინე თეთრეული

სიცხეში ვერ იძინებთ? "გაგრილების ექსპერტები" არაჩვეულებრივ გამოსავალს გვთავაზობენ: დაკეცეთ თეთრეული და შედეთ მაცივარში 15-30 წუთით!

6. ჭამე ცხარე საკვები

უცნაურია, მაგრამ როგორც ცხელი ჩაი, ასევე, ცხარე საკვები ოფლდენას იწვევს, რაც საბოლოოდ ორგანიზმს სიმხურვალისგან ათავისუფლებს.

7. საკუთარი "წვიმა"

ამისათვის საკმარისია სარწყავი მილი, რომლის ერთ ბოლოსაც ონკანს მიუერთებთ, მეორით კი -— ეზოს მორწყავთ. თუკი კორპუსში ცხოვრობთ, გამოდის, რომ თქვენს მეზობლებსაც საკუთარი წვიმა ჰქონიათ!

8. პატარა ყინულის მჭრელები

თუკი პატარები გყავთ, სიცხეში ორიგინალურ გასართობს გთავაზობთ: აიღეთ ქვაბი, ჩაყარეთ პატარა სათამაშოები, ჩაასხით წყალი, შედგით საყინულეში მთელი ღამით და გაყინეთ. მეორე დღეს კი პატარებს დაავალეთ, რომ დაამტვრიონ ყინული და სათამაშოები "აღმოაჩინონ"!

9. ყელსაბამი... ყინულებისგან!

გააკეთეთ ფერად-ფერადი წვენისგან ყინულები, შემდეგ კი, ისე, როგორც ფოტოზეა ნაჩვენები, გაახვიეთ მარლაში და 2020 წლის ზაფხულის მთავარი "ტრენდიც" მზადაა!

10. დაბოლოს, თუკი მსგავსი ექსპერიმენტებს ძველებური, ტრადიციული მეთოდით გაგრილება გირჩევნიათ, დაათვალიერეთ ტექნიკის ფართო ასორტიმენტი გრანდ ელექტრონიქსის ვებგვერდზე და შეუკვეთეთ კონდიციონერი სახლიდან გაუსვლელად!

ნივთები დამწყები კულინარებისათვის

06/15/2020
მომხმარებელი Nini Nikabadze
კარანტინის პერიოდში უმრავლესობამ საკუთარ თავებში მიძინებული კულინარიული ნიჭი აღმოვაჩინეთ. გასული სამი თვის განმავლობაში ხომ სოციალური ქსელები მართლაც რომ წალეკა გემრიელად მომზადებულმა კერძებმა. მათ შორის, უდავო ლიდერები სახლში გამომცხვარი პური, მარწყვის ტორტი და ხორციანი კერძები აღმოჩნდნენ. ამან კი დაგვანახა, რომ თუკი უფრო გემრიელად და თან ჯანსაღად და სწრაფად კვება მოგვწონს, მაშინ აუცილებლად უნდა გვქონდეს ეს რამდენიმე ნივთი სამზარეულოში.

აქვე გირჩევთ, რომ თუ ამ ნივთების შეძენას დავაპირებთ, აუცილებელია, სამზარეულოში წინასწარ გამოვათავისუფლოთ მათთვის ადგილები. მიუხედავად იმისა, რომ ეს ტექნიკა დიდ ადგილს იკავებს, ჩვენთვის ისინი სულ მალე შეუცვლელები გახდებიან.


მულტისახარში ქვაბი

რა სჯობია ისეთ დანადგარს, რომელშიც კერძს და მის გარნირს ერთდროულად ამზადებ და არანაირი დამატებითი ტაფის თუ ქვაბის გასვრა არ გიწევთ? მულტისახარში ქვაბი, ერთი შეხედვით, მრავალსულიანი ოჯახებისთვისაა საჭირო. თუმცა მისი ფუნქციებით აღფრთოვანებულები ის ადამიანებიც დარჩებიან, რომლებსაც სურთ ჯანსაღად და სწრაფად იკვებონ, აკონტროლონ კალორიები, ცხიმები, ქოლესერინი და თან, რა თქმა უნდა, გემრიელადაც მიირთვან.

თანამედროვე ტექნოლოგიებმა ჩვენი დატვირთული გრაფიკის საპასუხოდ ჯანსაღი კვები იდეალური ალტერნატივა შემოგვთავაზა. მისი არჩევისას ყურადღება უნდა მივაქციოთ სიმძლავრეს, მოცულობას, რეჟიმებს და დიზაინს. დღესდღეობით თითქმის ყველა მულტისახარში ქვაბი რეჟიმების გარკვეულ სტანდარტებს იზიარებს და ესენია: ორთქლზე ხარშვა, გამოცხობა, გაცხელება, ექსპრეს-ხარშვა, წვნიანის მომზადება, თევზისა და ხორცის შეწვის შესაძლებლობა, იოგურტისა და ფრის მომზადება, პურის გამოცხობა და ცომის მოზელა.


აეროგრილი

ეროგრილის პირველ ჯერზე არასწორი მოხმარებით უამრავი იმედგაცრუებული დამწყები კულინარი არსებობს. არის შემთხვევები, როცა პირველივე წარუმატებელი ცდის შემდეგ აეროგრილს ყუთში მიუჩენენ ხოლმე ადგილს, არადა აეროგრილი იდეალური მოწყობილობაა ყველასთვის, ვისაც გემრიელად და ჯანსაღად კვება სურს, მისი შექმნის მიზანიც ხომ ესაა: მოამზადოს გემრიელი კერძი ოჯახისთვის ან მეგობრული წვეულებისთვის მარტივად, სწრაფად და იყოს ჯანსაღი. მისი შეძენის დროს აუცილებლად დააკვირდით რეჟიმებს: რამდენი განსხვავებული პროდუქტის მომზადება შეუძლია მას: ხორცი, თევზი, ფრინველი, ცხობა, ბოსტნეული. ეს პირდაპირ კავშირშია მისი ვენტილატორის სიჩქარესთან, ცხაურის მდებარეობასთან და სიმძლავრესთან. იმის გამო, რომ აეროგრილი საკმაოდ დიდია, აუცილებელია თქვენს სამზარეულოში წინასწარ შეარჩიოთ ერთი კონკრეტული ადგილი, სადაც აეროგრილს მუდმივად მოათავსებთ, რადგან მისი ყოველჯერზე ყუთიდან ამოღება და შენახვა შრომატევადი პროცესია.


სამზარეულოს სასწორი

სამზარეულოს სასწორი შეუცვლელი დანადგარია ახალშობილების მშობლებისთვის და დიეტაზე მყოფებისთვის. მთავარი რჩევა, რაც აუცილებლად უნდა გაითვალისწინოთ, თუკი დიეტაზე ხართ, არის ის, რომ ნებისმიერი საკვები უნდა აწონოთ უკვე მომზადებული და გამოაკლოთ ჭურჭლის წონა, რადგან, მაგალითად, 100 გრამი უმი ბრინჯი, მაკარონი, წიწიბურა და ა.შ. გაცილებით მეტ კალორიას შეიცავს, ვიდრე - 100 გრამი მომზადებული.

 

 

პურის საცხობი


კარანტინის პერიოდში ფეისბუქი მართლა წალეკა სახლში მომზადებული გემრიელი და სურნელოვანი პურების ფოტოებმა და არამხოლოდ საქართველოში, არამედ - მთელ მსოფლიოშიც. ადამიანებმა თითქოს ახლა აღმოვაჩინეთ, რომ ჩვენ ყველას შეგვიძლია პურის სახლში გამოცხობა და რომ ის არანაკლებ გემრიელი გამოდის, ვიდრე - ნაყიდი. ამიტომაც, რატომ უნდა დაველოდოთ შემდეგ კარანტინს, თუკი სახლში გამომცხვარმა პურმა ოჯახის ყველა წევრი აღაფრთოვანა?


როგორ ავირჩიოთ პურის საცხობი? ნებისმიერ ბიუჯეტურ მოდელს 4 ძირითადი პროგრამა გააჩნია: სტანდარტული, დაჩქარებული, ცომის მოზელვა და ცხობა. ზოგადად, პურის საცხობებში პროგრამების რაოდენობა 20-ს აღწევს. მრავალფუნქციურ პურის საცხობებს მრავალფეროვანი პროგრამები გააჩნიათ: საფუარის თუ მარილის გარეშე; ფუნთუშები დამატებითი ინგრედიენტებით, მდოგვიანი პური, დიეტური გლუტენის გარეშე, კექსი, ჭვავის პური, თაფლიანი თუ არაჟნიანი პურები, გოგრიანი პური, ფრანგული ბაგეტი და ა.შ. თუკი პურის დაბრაწული ქერქის გამო ოჯახის წევრის გაწირვაც კი შეგიძლიათ, მაშინ აუცილებლად უნდა იკითხოთ, აქვს თუ არა საცხობს ქერქის დაბრაწვის დონის კონტროლი.


სამზარეულო კომბაინი


 სამზარეულოს კომბაინსა და ბლენდერს შორის განსხვავებას შესაძლოა   ბევრი გამოუცდელი და დამწყები კულინარი ვერ ხვდებოდეს. ამიტომ   მის  დასამახსოვრებლად ერთ მარტივ გზას გთავაზობთ: კომბაინს   გაცილებით მეტი ფუნქცია აქვს, ვიდრე მის მონათესავე სამზარეულოს   წვრილ ტექნიკას ერთად აღებულს და ესენია: ბლენდერი, ხორცსაკეპი,   წვენსაწური, ყავის საფქვავი, ყინულის სამტვრევი, მიქსერი და ა.შ.


 სანამ ამ უმნიშვნელოვანესი ნივთის შეძენას გადაწყვეტთ, აუცილებლად   გაათავისუფლეთ ადგილი თქვენს სამზარეულოში, იმიტომ რომ კომბაინს   (თავისი ყველა ნაწილისა და დეტალის ჩათვლით) დიდი ადგილი სჭირდება. თუმცა ეს ნუ შეგაშინებთ: კომბაინი ნამდვილად უამრავ   ნივთს  ჩაანაცვლებს. 

 

 

 თითოეული ნივთის ყიდვა სახლიდან გაუსვლელად, ონლაინ GRANDEL.GE-ზე შეგიძლიათ. კომპანია   „გრანდ   ელექტრონიქსი“ საქართველოში უკვე 25 წელია, რაც წარმატებით მუშაობს. გარდა ოთხი   ფილიალისა, „გრანდ   ელექტრონიქსში“ წარმატებითაა დანერგილი ონლაინ-გაყიდვების პრაქტიკაც.   ონლაინვეა შესაძლებელი   განვადების გაკეთებაც. რაც ყველაზე მთავარია, ნივთს იმდღესვე მოგართმევენ   სახლში, ამიტომაც შეკვეთის   განთავსებიდან, პირველი რაც უნდა გააკეთოთ ისაა, რომ აუცილებლად   გაათავისუფლოთ სამზარეულოს თარო   და  შემდეგ პირველივე გემრიელი კერძის ინგრედიენტები   მოიმარაგოთ.

კომენტარები

კომენტარეები ვერ მოიძებნა

შეტყობინების დატოვება