როგორ შევარჩიოთ მაცივარი?

მაცივარი სამზარეულოს ერთ-ერთი მთავარი შემადგენელი ნაწილია, რომლის გარეშეც დღევანდელი ცხოვრების რეჟიმი სრულიად წარმოუდგენელია. რას უნდა მივაქციოთ ყურადღება? რა კრიტერიუმები უნდა გავითვალისწინოთ? როგორ შევარჩიოთ მაცივარი?

• აუცილებლად დაფიქრდით, რა ზომის, მოცულობისა და ფერის მაცივარი გჭირდებათ;
• ყურადღება მიაქციეთ რამდენ კამერიანი მაცივარი გჭირდებათ;
• არ გამოგრჩეთ ენერგოეფექტურობა - რაც უფრო მაღალია ის (მაგ. A, A+ ან A++), მით უფრო ნაკლებ ელექტრო ენერგიას მოიხმარს;
• ფასი - უნდა იპოვოთ ენერგო ეფექტურობის, უახლესი მოდელისა და პარამეტრების საუკეთესო კომბინაცია.

რა კითხვები უნდა დავუსვათ კონსულტანტს სანამ სასურველ მაცივარზე არჩევანს გავაკეთებთ?

• როგორი გალღობის სისტემისაა?
• რამდენად უსაფრთხო და ეკოლოგიურია?
• აქვს თუ არა ინვერტორული ტექნოლოგია და რა მნიშვნელობა აქვს მას?
• რამდენად ენერგოეფექტურია?

ეს კითხვები დაგვეხმარება ამომწურავი პასუხი მივიღოთ კითხვაზე - როგორ შევარჩიოთ მაცივარი, რათა მაქსიმალურად რაციონალური გადაწყვეტილება მივიღოთ.

• როგორი გალღობის სისტემისაა მაცივარი?

გალღობის სისტემა დამოკიდებულია მაცივრის ტიპზე: მშრალი ყინვით (No Frost) და ნახევრადმშრალი ყინვით. უმეტესობა მოდელებზე ყინული ლღვება ავტომატურ რეჟიმში.
ნახევრადმშრალი მაცივრების საყინულე კამერა იკეთებს ყინულს, როცა ყინულის საფარი მიაღწევს 0,5-1 სმ-ს, უნდა გამოვრთოთ და გავალღოთ (რეკომენდირებულია საშუალოდ 3-4 თვეში ერთხელ).

თეორიულად No Frost სისტემის მაცივრები გალღობას არ საჭიროებენ, მაგრამ პროფილაკტიკისათვის რეკომენდებულია მათი გამორთვა წელიწადში ერთხელ მაინც.

• რა უპირატესობები აქვთ?

მშრალი ყინვის მაცივარი: ნაკლებად იკეთებს სისველეს, ეკონომიურია, ხმის დონე ნაკლებია.
ნახევრადმშრალი ყინვის მაცივარი: ნაკლებად იკეთებს სუნს, ნაკლებად აშრობს პროდუქტს.

რამდენად უსაფრთხო და ეკოლოგიურია მაცივარი?
ყურადღება უნდა მივაქციოთ რამდენად ხარისხიან მასალასა და ნაწილებს იყენებს ბრენდი წარმოებისას, რა კონტროლს გადის, რომელი ფრეონი აქვს და ა.შ.

• აქვს თუ არა ინვერტორული ტექნოლოგია და რა მნიშვნელობა აქვს მას?

თანამედროვე მაცივრებს ინვერტორული კომპრესორი აქვთ. ის ცვეთის მიმართ მეტად მდგრადია, ნაკლები ხმაურითა და და მეტი ეკონომიურობით გამოირჩევა. ასევე სინოტივისა და კარის გაღების რაოდენობის კონტროლი შეუძლიათ. ამ გზით კი მაცივარი ადვილად ინარჩუნებს ერთიან ტემპერატურას.

• რამდენად ენერგოეფექტურია?

თუკი ელექტრო ენერგიის ეფექტურობა თქვენთვის მნიშვნელოვანია, გირჩევთ შეარჩიოთ A++ ან A+ კლასის მოდელები. A+ კლასის მაცივარი არის 20 %-ით უფრო ეფექტური ვიდრე A- კლასის პროდუქცია; ხოლო A++ კლასის მაცივარი კი არის სულ მცირე 40 %-ით ეფექტური ვიდრე A- კლასის პროდუქცია.