BOOM.GE
როგორ შევარჩიოთ კონდიციონერი?

როგორ შევარჩიოთ კონდიციონერი?

John Doe
06/29/2021

კონდიციონერი ზაფხულის ცხელი დღეების აუცილებელ ატრიბუტად იქცა. რა კრიტერიუმებს უნდა მივაქციოთ ყურადღება ზაფხულის განუყრელი მეგობრის შერჩევისას? გრანდ ელექტრონიქსი გთავაზობს იმ კითხვებს, რომლებიც აუცილებლად უნდა დაუსვა კონსულტანტს კონდიციონერის შეძენისას

რამდენად მძლავრი კონდიციონერი გჭირდება? 

ინვერტერის ძრავი თუ აქვს?

რადენად ენერგოეფექტურია?

რამდენად ხმაურიანია?

რა დამატებითი რეჟიმები და ფუნქციები აქვს?

როგორ შევარჩიოთ კონდიციონერი სახლისთვის


რამდენად მძლავრი კონდიციონერი გჭირდება?

კონდიციონერს სიმძლავრე შეიძლება ეწეროს BTU-ებში ან კილოვატებში. რამდენი BTU გჭირდება ოთახის გასაგრილებლად? BTU (British thermal unit) კოეფიციენტის გამოსათვლელად ითვალიწინებენ შემდეგ ფაქტორებს: ოთახის ფართობს, ფანჯრების რაოდენობას, საიდან ამოდის მზე, როგორი თბოიზოლაცია აქვს სახლს, რა ტექნიკას ხმარობ ოთახში, როგორი და რამდენი ნათურა გიყენია, რამდენია გარემოს ტემპერატურა, რამდენი ადამიანი იმყოფება ოთახში და ა.შ.

ძირითად საორიენტაციო კრიტერიუმად ოთახის ფართობს განიხილავენ, თუმცა მაქსიმალური ენერგოეფექტურობისთვის კარგი იქნება, თუკი დანარჩენ ფაქტორებსაც დააზუსტებთ.

აქვს თუ არა ინვერტერის ძრავი?

კონდიციონერის შერჩევისას ყურადღება აუცილებლად უნდა მიაქციო მის ძრავსაც. უმჯობესია, თუ კონდიციონერი ინვერტორული ძრავის მქონე იქნება. ასეთ ძრავზე მომუშავე კონდიციონერები თითქმის უხმაუროები არიან და რაც ყველაზე მნიშვნელოვანია, გაცილებით ნაკლებ ელექტროენერგიას მოიხმარენ.

რამდენად ენერგოეფექტურია?

ენერგოეფექტურობას დიდი ყურადღება ექცევა არა მხოლოდ ეკოლოგიაზე ზრუნვის, არამედ — მისი ეკონომიურობის გამოც. კონდიციონერებს ენერგოეფექტურობის ორი მაჩვენებელი აქვს: EER და COP.

EER, ენერგოეფექტურობის კოეფიციენტი, ყინვისა და ელექტროენერგიის ხარჯის ურთიერთმიმართებას გამოხატავს. მისი მაჩვენებელი 8-დან 11.5-

მდე მერყეობს. რაც უფრო მაღალია ის, მით უფრო ნაკლებ ელექტროენერგიას მოიხმარს კონდიციონერი. რაც შეეხება COP-ს, ეს არის კოეფიციენტი რომელიც ასახავს სითბოს წარმოქმნისა და დახარჯული ელექტროენერგიის ურთიერთმიმართებას, რაც უფრო მაღალია COP კოეფიციენტი, მით უფრო მაღალია ენერგოეფექტურობა.

რამდენად ხმაურიანია?

კონდიციონერის შერჩევის დროს ასევე დიდი მნიშვნელობა აქვს იმას, თუ რამდენად ხმაურიანია ის. 25-27 dB-ზე (დეციბალზე) ნაკლები ხმა თითქმის არ ისმის. გაითვალისწინეთ, კონდიციონერებზე მითითებულია მათი ხმაურის დონე, რომელიც დათვლილია ყველაზე დაბალ სიჩქარეზე.

რა დამატებითი რეჟიმები და ფუნქციები აქვს? 

მიაქციეთ ყურადღება კონდიციონერის დამატებით რეჟიმებს, რადგან, როგორც წესი, თანამედროვე კონდიციონერებს, გარდა გაგრილებისა, სხვა მნიშვნელოვანი ფუნქციებიც გააჩნიათ.

მათ შორისაა: ჰაერის გაწმენდის, გათბობის, ტენის ამოშრობის ან პირიქით, დატენიანების რეჟიმები. აუცილებლად ჰკითხეთ კონსულტანტს ვენტილაციის, ღამის, ავტომატური ჩართვა/გამორთვის და ა.შ. რეჟიმების შესახებაც.

აქვე დღესდღეობით ძალიან პოპულარულია იონიზაციის ფუნქცია. ჰაერის იონიზაცია კარგია ძილის ხარისხის, შრომისუნარიანობის, იმუნიტეტის, ფსიქოლოგიური მდგომარეობისა და მეტაბოლიზმის გასაუმჯობესებლად. ასევე კონდიციონერების თანამედროვე მოდელებში საკმაოდ მოთხოვნადი ფუნქცია გახდა WI-FI მართვა. მისი მეშვეობით კონდიციონერის მართვას თქვენი სმარტფონით ნებისმიერი ადგილიდან შეძლებ. მაგალითად, სამსახურიდან ახალგამოსულს შეგიძლია ჩართო კონდიციონერი, რათა სახლში მისულს გრილი და კომფორტული ოთახი დაგხვდეს.